Боксшыларымыз Ресейдегі халықаралық турнирде алтын алды

Қазақстандық боксшы Бекзат Нұрдәулетов Ресейде өткен «Санкт-Петербург губернаторының кубогы-2021»  халықаралық турнирінің жеңімпазы болды.

Нұрдәулетов 81 келіге дейінгі салмақ категориясы финалында ресейлік Имам Хатаевты нокдаунға жіберіп, жеңіске қолжеткізді. 

Сонымен қатар  боксшы Асланбек Шымбергенов те алтын медальға  ие болды. Ол 69 келіге дейінгі салмақ дәрежесінде ресейлік Андрей Замковқа дес бермеді. 

Бұған қоса, тағы үш отандасымыз Даниял Сәбит, Бекнұр Ожанов пен Айбек Оралбай қола медальдарға  иегері атанды.