Боксшы Қанат Ислам президентке үндеу жолдады

Отандық былғары қолғап шебері Қанат Ислам президент Қасым-Жомарт Тоқаевқа кәсіпқой бокс кешін ұйымдастыруға қолдау көрсетуді сұрап желіде видео жариялады. 

Қанат Исламның айтуынша, мұндай спорттық іс-шаралар 2016 жылдан бері өткізіліп келеді, бірақ соңғы бірнеше жылда оларды ұйымдастыруда қиындықтар туындаған. 

[media=

Посмотреть эту публикацию в Instagram

Публикация от Kanat QAZAQ Islam (@islamkanatqazaq)

«Бұл іс-шарада Жәнібек Әлімханұлы, Әли Ахметов, Айдос Ермосынұлы және басқа да мықты спортшылар өнер көрсетеді. 2019 жылдан кейін әр түрлі себептермен біз кәсіби бокс кештерін өткізе алмай жүрміз. Бұл туралы біз сізге хабарластық, хат жаздық, бірақ әлі жауап алған жоқпыз. 16 желтоқсанда оншақты боксшы, оның ішінде мен де бармын, кеш өткізуді жоспарлап отырмыз. Сіз бізге қолдау көрсетесіз деп үміттенеміз», - дейді спортшы

Өткен жылы Тәуелсіздік күніне орай Астанада кәсіби бокс кешін өткізу жоспарланған болатын. Алайда, бір күнде белгісіз себептермен іс-шара тоқтатылды.

Естеріңізге сала кетейік, демалыс күндері қазақстандық боксшы Жәнібек Әлімханұлы Германиядан келген қарсыласы Винченцо Гуальтиериді титулдық жекпе-жекте жеңіп, IBF нұсқасы бойынша әлем чемпионы атағын жеңіп алды. Қасым-Жомарт Тоқаев спортшыны жеңісімен құттықтады.