Бойжеткенге аяусыз қорлық көрсеткен бес жігітке сот үкімі шықты

Бүгін Петропавлдағы демалыс орталықтарының бірінде 17 жастағы бойжеткенді зорлаған бес жігітке сот үкімі шықты. Айыпталушылардың екеуі кәмелет жасқа толмаған.

Қыздың ата-анасы 2021 жылдың 11 маусымында полицияға арыз жазған. Бірнеше күнде күдіктілер қамауға алынған.

Зардап шегушінің анасының айтуынша, тергеу төрт айдан кейін оның жасына қарай сараптама тағайындаған.

Қыздың ата-анасы халықтан көмек сұрады. Желі қолданушылары сотталушылардың әрекетін сынға алды.

Бес жігіттің жақындары зардап шегуші тарапқа қысым көрсетіп жатқаны белгілі болды.

Жауапқа 17 мен 20 жас аралығындағы жігіттер тартылды.

Сот айыпталушының төртеуі зорлау кезінде мас болғанын анықтап, жаза қатаңдайтынын түсіндірді.

Үш сотталушы кәмелетке толмағандарға педогогикалық қызмет көрсетуге өмір бойы тыйым салып, 16 жылға бас бостандығынан айырды.

Төртінші жігіт 10 жылға сотталды. Төрт сотталушы да жазасын ҚАЖК мекемесінде өтейді.

Сот үкімі туралы Солтүстік Қазақстан облысының қылмыстық істер жөніндегі мамандандырылған ауданаралық сотының төрағасы Сергей Викторенко айтты.

«Екі жылға кәмелетке толмағандармен педагогикалық және еңбек қызметімен айналысу құқығынан айыра отырып, 10 жылға бас бостандығынан айыру тағайындалсын. Кәмелетке толмағандарды асырау жөніндегі орташа тәртіптегі түзеу мекемесінде жазасын өтеуге жіберілсін» деді сот төрағасы.

Жігіттер қызға 10 млн теңге моральдық өтемақы төлеуге міндеттелді.