БҚО-да киберполицейлер ресейлік қылмыскерді ұстады

29 шілдеде БҚО ПД «CyberPol» қызметкерлері көкшетаулық әріптестерімен бірлесіп Орал қаласында  Мәскеу тумасы, 24 жастағы  Х. атты ақша жымқырушы Ресей азаматын ұстады.

ҚР ІІМ ресми ресурсының мәліметінше, ол Көкшетау қаласында болған кезінде алаяқтық әрекеттер жасап, 12 миллион теңгеден астам ақшаны иемденгені анықталған. 

Күдікті Орал қалалық ІІБ ППП-не орналастырылды. Тергеу амалдары жүргізілуде. Оның осыған ұқсас басқа да қылмыстарға қатысы бар-жоғы тексерілуде.

Бұндай адамдарды – дроппер дейді, олар қылмысты өздері ұйымдастырмайды, тек ұйымдаструшылардың нұсауларын бұлжытпай орындайды.