Боқаевтың сотқа жазған өтініші қабылданбады

Осыған дейін сот белсенді Макс Боқаевты бостандыққа шыққаннан кейін үш жыл әкімшілік қадағалауда ұстау туралы шешім шығарған. Оған белсенді мен оның адвокаты Жанар Сүндетқалиева қадағалауды алып тастау туралы өтініш жазған. Алайда, Атырау облыстық сотының апелляция алқасы өтінішті қанағаттандырмады.

Бұл туралы Азаттық хабарлады.

10 ақпанда өткен онлайн сотта апелляциялық шағымды қараған судья Дина Тухфатова «адвокаттың ұсынған деректері» негізсіз деді.

«Мен өзімнің бұрынғы пікірімде қаламын. Бұған дейінгі сот процестерінде және осы күнге дейін өзімнің кінәсіз екенімді, саяси сыйпатпен сотталғанымды айтып келемін. Сондықтан 2016 жылғы сот үкімін де, әкімшілік бақылау туралы сот қаулысын мойындамаймын», - деді Макс Боқаев.