Боқаевты қарсы алмақшы болған Ахмедияров ұсталды

3 ақпан «Уральская неделя» сайтының бас редакторы Лұқпан Ахмедияров Макс Боқаевты қарсы алуға жолға шыққан. Оны полиция қызметкерлері жарты жолда тоқтатты. Бұл турал оның жанындағы әріптестері хабарлады. Ахмедияров 3 сағаттан соң Оралға қайтарылды.

Ахмедияров өзінің Facebook парақшасына полицейлердің оны ұстаған сәтінен видео салды.

БАҚ өкілдері 4 ақпанда түрмеден шығатын «саяси тұтқын» Макс Боқаевты қарсы алмақшы. Упоровтың айтуынша, полиция қызметкерлері Лұқпанды алып кеткеннен кейін жол ашылған.

Айта кетсек, бұл күні Оралда Мақсат Айсауытов, Бекболат Өтебаев, Бауыржан Әліпқалиев, Орынбай Оқасов сияқты бірнеше белсендіні полиция бөліміне шақыртқан.