Блогер Қайсар Қамзаның шетелдік досы сүндетке отырып, мұсылман болды

Желіде блогер Қайсар Қамзаның серігі ретінде танылған африкалық жігіт Тауасардың ислам дінін қабылдап, сүндетке отырғаны қызу талқыланып жатыр, деп хабарлайды Orda.kz.

Желіде тараған видеода Тауасардың клиникада сүндеттеу рәсімінен өткені көрсетілген. Рәсімнен кейін оған батылдығы үшін мақтау қағазы, алтын медаль және ойыншық садақ сыйға тартылды.

Өз кезегінде Тауасар енді «ресми түрде мұсылман» атанғанын айтып, оқырмандарынан құттықтау қабылдайтынын жеткізді.

Айта кетейік, Тауасар қазақстандық көрерменге «Джунглилау» және «Көке» фильмдері арқылы таныс. Ол соңғы жылдары блогер Қайсар Қамзамен бірге түсірген видеоларының арқасында танымал болды.

Ал Қайсар Қамза биыл сәуір айында Вьетнамда ұсталған еді. Тергеу нұсқасына сәйкес, ол заңсыз онлайн-казиноны жарнамалап, 100 миллион теңгеден астам табыс тапты деген күдікке ілінген. Қазіргі уақытта оны Қазақстанға экстрадициялау мәселесі қаралып жатыр.