Блогер Қайсар Қамза Вьетнамда ұсталды

Халықаралық іздеуде жүрген блогер Қайсар Қамза Вьетнамда ұсталды. Ол заңсыз ойын бизнесін ұйымдастырды деген күдікке ілінген, деп хабарлайды Orda.kz. 

Бұл туралы Ішкі істер министрлігі мәлімдеді. Блогер Вьетнамның Камрань қаласында интерпол және жергілікті құқық қорғау органдарының көмегімен қолға түскен.

Айта кетейік, блогер әлеуметтік желілерде онлайн-казиноны жарнамалаған. Сонымен қатар, адамдарды құмар ойындарға тартумен айналысқан.

Алдын ала ақпарат бойынша, Қайсар Қамза осы әрекеттері арқылы 100 миллион теңгеден астам заңсыз табыс тапқан. Қаражат оның атына тіркелген криптовалюта әмияндарына аударылып отырған.

Қазіргі уақытта күдіктіні Қазақстанға экстрадициялау мәселесі қарастырылып жатыр.

Оқи отырыңыз:

• Танымал блогер Қамза Қайсар іздеуде жүр
• Әскердегі кезекті өлім: Миы жаншылған сарбаз өз-өзін екінші рет қалай ата алды?
• Танымал блогердің күйеуі ұлттық құрамаға шақырылды