Әблязовтың "Өтемұратов ұсталды" дегені рас па?

Компания сайтында жарияланған хабарламада Өтемұратовтың ұсталмағаны және оның үсітінен түскен шағымға жалған құжаттардың негіз болғаны айтылған.

"Бұл шағымды бастапқыда 2015 жылы "БТА Банк" АҚ Мұхтар Әблязов пен Ілияс Храпуновтың үстінен түсірген. Ізінше жауапкерлер тізімі ұзарып, 2020 жылы қараша айында олардың құрамына Болат Өтемұратов пен оның бизнес-құрылымына кіретін бірқатар тұлға енген. Ол шағымның түсуіне "БТА Банк" пен заңгерлері берген жалған құжаттар түрткі болған. Жақын арада шағымға байланысты арыз түсіріледі" делінген компания хабарламасында.

Бұған қоса, хабарламада Өтемұратовтың қазір Нұр-Сұлтан қаласында екені де айтылған.

ORDA. редакциясы Мұхтар Аблязовпен байланысқа шықты. Ол Лондон сотындағы процесс жабық режимде өтіп жатқанын және оған түсініктеме бере алмайтынын айтты. Дегенмен ол сотта жауапкерлердің бірі өзі болғандықтан, қолында осы іске қатысты 1500 беттен тұратын материал бар екенін атап өтті.