Әбләзовты қолдады деп айыпталған белсенді түрмеге қамалды

«Экстремистік деп танылған ұйым жұмысына араласты» деген күдікке ілінген белсенді Нұрбол Өнерхан 6 ай 2 күнге түрмеге қамалатын болды.

Бұл туралы Orda.kz Азаттыққа сілтеме жасап хабарлады.

4 мамырда Петропавлдағы Ғабит Мүсірепов аудандық соты оған қатысты үкім шығарды.

Еске салсақ, 2020 жылы 2 қарашада сот оны экстремистік деп танылған «Қазақстанның демократиялық таңдауы» (ҚДТ) және «Көше партиясы» қозғалысын қолдады деп бір жылға бас бостандығынан айырған.

2021 жылы 27 сәуірде жергілікті пробациялық бақылау қызметі белсенді жазаны өтеу шарттарын бұзды деп, оны түрмеге қамауды сұраған.

Өнерханға төрт рет ескерту қағазы жіберілген: пробациялық жұмыстарға кешіккені үшін, бірнеше рет рұқсатсыз үйден шыққаны үшін, профилактикалық әңгімелесуге келмегені үшін.

Белсенді сот үкімімен келіспейді, оның қорғаушсы Константин Дарий аппеляциялық шағым түсіретінін айтты.