БҚО тұрғыны күйеуін өлтіру үшін киллер жалдаған

Батыс Қазақстанда полицейлер кісі өлтіруге тапсырыс берді деген екі күдіктіні ұстады.

Батыс Қазақстан облысы полициясының баспасөз қызметі аймақтағы Ұйымдасқан қылмысқа қарсы күрес департаментінің (ҰҚКД) қызметкерлері тапсырыспен кісі өлтірудің алдын алғанын атап өтті.

«Батыс Қазақстанның екі тұрғыны ұсталды. Қылмысты ұйымдастырушы күйеуімен мүлікті бөліскісі келмеген әйелі екені анықталды» деп хабарлады БҚО полиция департаментінің баспасөз қызметі.

Сондай-ақ күдіктілерден олардың кінәсін растайтын заттай айғақтар тәркіленгені айтылды.

Тергеу мәліметінше, әйел ұйымдастырушыға қару сатып алып, күйеуін өлтіру үшін 1,3 миллион теңге берген.