БҚО тұрғыны алимент төлемегені үшін сотталып кетті

Батыс Қазақстан облысында 2021 жылдан бастап борышкердің 2 787 838 теңге көлеміндегі балаға алимент төлеу бойынша берешегі болған, деп хабарлайды Orda.kz. 

Ол бұрын әкімшілік жауапкершілікке тартылғанымен, бірнеше жыл бойы өз міндетін орындамаған.

Батыс Қазақстан облысының кәмелетке толмағандар ісі жөніндегі мамандандырылған ауданаралық сотының үкімімен Бәйтерек ауданының тұрғыны кінәлі деп танылып, 1 жылға бас бостандығынан айырылды. Үкім заңды күшіне енді.