БҚО-да жол құрылысына бөлінген қаржыны қолды қылған басшылардың тергеуі аяқталды

БҚО-да автомобиль жолдарын күрделі жөндеуге бөлінген бюджет қаражатын жымқыру ісі бойынша тергеу аяқталды, деп хабарлайды Orda.kz. 

ҚМА мәліметінше, 2023 жылғы наурызда «Сырым аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ мен «Сапак» өндірістік кооперативі арасында Жымпиты ауылындағы жолдарды жөндеуге 259 млн теңгеге шарт жасалған.

Алайда «Сапак» ӨК директоры «Ак-Би» ЖШС директорымен сөз байласып, бюджет қаражатын өз қажеттіліктеріне жұмсаған. Күдіктілер жұмыс актілеріне жалған мәліметтерді жүйелі түрде енгізіп отырған. Құжаттарда асфальт төсеу, жер қазу, бетондау, су құбырларын жүргізу жұмыстары көрсетілген. Ал іс жүзінде олар орындалмаған. 

Мемлекетке келтірілген материалдық залал 56,5 млн теңге болды. Әзірге күдіктілер ешқайда кетпеу туралы қолхат жазып босатылған. 

Қылмыстық іс сотқа жолданды.

Оқи отырыңыз:

• Зорлық үшін сотталған Талдықорғандағы полиция басшысы колониядан арыз түсірді
• ҰҚК «Проблемалық кредиттер қоры» АҚ басқармасының бұрынғы төрағасын ұстады
• Алматыда арнайы жасақ танысын пышақтап ізін суытқан күдіктіні ұстады