БҚО-да мұғалімдерге 42 млн теңге артық төленгені анықталды

cover Фото: freepik.com

Батыс Қазақстан облысы Орал қаласындағы Серебряков орта мектебінің әкімшілігі мектептің 75 педагогына 42 млн теңге көлеміндегі жалақы артық төленген, деп хабарлайды Orda.kz. 

Қылмыстық іс аясында мектепке жүргізілген мемлекеттік аудит нәтижесінде 2021-2022 жылдары 75 педагогқа жалақы бойынша 42 млн теңге көлемінде артық төлемдер негізсіз аударылғаны анықталды. 

Алайда, сотта мектеп әкімшілігінің өкілдері педагогтардың қандай да бір құқыққа қарсы әрекеттер жасағанын, соның салдарынан оларға артық қаражат аударылғанын дәлелдейтін дәлелдемелерді ұсына алмады. 

Осыған байланысты №2 Орал қалалық соты мектептің талап қоюын қанағаттандырусыз қалдырды. 

«Сот жұмысқа немқұрайлы қарау немесе бухгалтерлік қателік болмаған жағдайда еңбек және азаматтық заңнамада көрсетілгендей, артық төленген соманы қайтаруға негіз жоқ екенін атап көрсетті», делінген сот шешімінде. 


Жаңалықтар

барлық жаңалықтар