БҚО-да мемлекеттік мекеменің есепшісі бюджет қаражатын бәске тігіп жіберген

Батыс Қазақстан облысында Лудоманияға шалдыққан кәсіпорын бухгалтері компания қаражатын заңсыз пайдаланып, оны букмекерлік кеңселердің бірінде бәске тіккен, деп хабарлайды Orda.kz.

БҚО прокуратурасы мәліметінше, мемлекетке келтірілген жалпы шығын – 118 миллион теңге. Сондай-ақ ұрланған қаражаттың бір бөлігіне жаңа автокөлік сатып алынғаны белгілі болды.

«Бұл факт бойынша Қазақстан Республикасы Қылмыстық кодексінің 189-бабы 4-бөлігінің 2-тармағына (бөтен мүлікті аса ірі мөлшерде иемдену немесе ысырап ету) сәйкес сотқа дейінгі тергеп-тексеру басталды. Тергеу жұмыстарын арнайы прокурорлар жүргізіп жатыр», – делінген хабарда.

Соттың санкциясымен күдікті тергеу изоляторына қамауға алынды, ал сатып алынған автокөлікке тыйым салынды.

Оқи отырыңыз:

• Ақтөбеде екі ер адамның мәйіті табылды: «Маньяк» туралы ақпарат рас па?
• Таразда 9-сынып оқушысын жеті қыз жабылып кастетпен ұрып кеткен