БҚО-да екі оқушы ата-анасының көлігін айдап кетіп, апаттан көз жұмды

Батыс Қазақстан облысында екі жасөспірім ата-анасының көлігін рұқсатсыз мініп, жол апатынан қаза тапты, деп хабарлайды Orda.kz.

Оқиға «Переметное — Белес» бағытындағы тас жолда болған. 9 және 11-сыныпта оқитын екі оқушы LADA-211 маркалы көлікті айдап, жолға шыққан. Жеңіл көлік Jac N56 жүк көлігімен соқтығысып, жасөспірімдер оқиға орнында көз жұмды.

Облыстық полиция департаментінің мәліметінше, қаза тапқан жасөспірімдердің жасы — 15 және 17-де. Қазіргі уақытта бұл факті бойынша қылмыстық іс қозғалып, тергеу амалдары жүргізілуде. Апаттың нақты себептері анықталып жатыр.