БҚО-да алты жастағы қызды ата-анасының досы зорлап кетті

Батыс Қазақстан облысында алты жастағы қызды бұрын сотталған ата-анасының досы зорлап кетті, деп хабарлайды Orda.kz.

БҚО-ның Тасқала ауылының тұрғыны алты жастағы қызын досымен (ер адаммен) бірге дүкенге жіберген. Ер адам отбасының досы болғандықтан бүлдіршінге балмұздақ сатып әперемін дегеніне анасы сеніп, еш ойланбастан рұқсат берген. Ер адам осыдан бірнеше жыл бұрын ұрлық жасағаны үшін сотталған.

Арада бірнеше сағат өтіп, қыз үйге келмегендіктен ата-анасы іздей бастады.

Typicaluralsk мәліметіне зер салсақ, келесі күні іздестіру жұмыстары барысында қыз бен күдікті ауыл маңындағы тоғайдан табылды. Ер адам қатты мас күйінде ұйықтап жатқан, ал кішкентай қыз ес-түссіз жатты.

Дәрігерлер қыздың жыныстық зорлық-зомбылыққа ұшырағанын растады.