«Бюджет қаржысы»: Ақмоладағы білім бөлімінің жемқор есепшісі сотталды

Ақмола облысы Целиноград ауданында білім беру бөліміне жүргізілген тексеріс нәтижесінде есепшінің бюджет қаражатын жымқырғаны анықталды, деп хабарлады Orda.kz.

Целиноград ауданының прокуратурасы білім бөлімін тексеру барысында жалпы сомасы 5,8 млн теңгеге бюджет қаражатын жымқыру фактісін анықтады. 

«Мекеменің есепшісі өзінің қызметтік жағдайын  пайдаланып жалған құжаттар жасағаны және ақшалай қаражатты негізсіз есептеген фактілерін жасырғаны анықталды»,  деп хабарлады Ақмола прокуратурасы.

Бұл факті бойынша аудан прокуратурасы ҚК 190-бабының 3-бөлігінің 1-тармағы бойынша алдын ала тергеу бастады. Сот үкімімен бухгалтер кінәлі деп танылып, үш жылға бас бостандығын шектеу түріндегі жазаға кесілді және пробациялық бақылау белгіленді.

Зиян келтірілген қаржы мемлекет бюджетіне толық көлемде қайтарылды.