Билік қызмет көрсету саласындағы саудагерлер мен кәсіпкерлерді Алматы тұрғындарына ондаған миллилон теңгені қайтаруға мәжбүрледі. Бұл туралы тұтынушылардың құқықтарын қорғау бөлімінің басшысы Сәуле Махатова айтты, деп хабарлады Orda.kz.
Алматыда тұтынушылардың 112 қоғамдық бірлестігі бар, олардың 47-сі тұтынушыларды да, кәсіпкерлерді де қорғаумен айналысады. Қалада тұтынушылар құқығының қалай сақталатынын көрсететін әлеуметтік сауалнама жүргізілді.
– Алматыда респонденттердің тек 1%-ы тұтынушылардың құқықтарын сақтаудың қазіргі жағдайын өте жақсы, 3,6% орташа, 86,8% қанағаттанарлықсыз деп бағалады. Тұтынушылардың құқықтарын қорғау саласындағы мемлекеттік реттеу жағдайының өзгеруі туралы сұраққа 42,8% жақсы болды деп жауап берді, 37% – өзгеріс жоқ, 20% – нашар және 0,2% – жауап беруге қиналды, – деп хабарлады бөлім.
2020 жылы бөлімге 1480 шағым түсті, бұл 2019 жылдың сәйкес кезеңімен салыстырғанда 3,5 есе көп (440 шағым). Нәтижесінде бизнес тұтынушыларға 27 млн-нан астам теңгені қайтарып берді.
Алматылықтар көбінесе:
- сапасыз тауарларға
- тауарларды айырбастаудан немесе қайтарудан бас тартуға
- өнімдер туралы толық және сенімді ақпарат бермеуге
- тоқтатылған рейстерге ақшаны қайтармауға
- жиһаз жасау мен жөндеуге
- сұлулық салондарының қанағаттанарлықсыз жұмысына шағымданады.
Сәуле Махатова азаматтарды сауда жасағанда, әсіресе ғаламтордан сақ болуға шақырды. Сапасыз тауарларды жеткізген жағдайда, ол қаланы да, кәсіпкердің мәліметтерін де білмей сатушыны анықтау қиын болатынын айтты.
