«Бізге қысым көрсетті»: Бақытжан Базарбек Берденовтің оқиғасына қатысты пікірін айтты

Депутат Бақытжан Базарбек экс-депутат Руслан Берденовтің оқиғасын қауіпті тенденция деп атап, мәжілісмендерде де қорғаныштың жоқ екенін атап өтті, деп хабарлайды Orda.kz.

Бақытжан Базарбек депутатты тек қылмыстық қудалаудан кейін ғана қорғайтынын жеткізді.

«Азаматтық істерден бізді иммунитет қорғамайды. Бірақ, сыртқы күштер мынаны пайдаланып бізге қысым көрсетіп отыр. Болашақта қысым көрсете де береді. Сондықтан біз қылмыстық кодексте депутаттың жұмысына араласу, кедергі келтіру, қысым жасау фактілері бойынша жауапкершілікті күшейтуіміз керек. Себебі бізді қорғамайды. Үйімізге қайтып бара жатқан кезде басымыздан біреу бөтелкемен ұрып жіберсе, «иммунитет» бізді қорғамайтыны анық», – деді ол.

Еске сала кетейік, бұған дейін мәжіліс депутаты Еділ Жаңбыршин Шымкент әкімінің орынбасарына жасалған қастандыққа қатысты пікір білдірген болатын.