Бізге қауіп төніп тұр— ереуілге шыққан мұнайшылар анонимді қоңырауларға шағымданды

Жаңаөзенде жетінші күні «бұрғылау жұмыстары басқармасы» компаниясы қызметкерлерінің наразылығы жалғасуда. Мұнайшылар белгісіз адамдардан келетін қауіп туралы айтты, хабарлайды Orda.kz 

Акцияға қатысушылардың бірі Мұратбай Жұмағалиевтің айтуынша, наразылыққа мыңнан астам адам қатысуда. Жұмысшылар лагерь ұйымдастырып, митинг тәулік бойы жалғасады.

«Бізге белгісіз адамдар қоңырау шалып: егер біз митингті тоқтатпасақ және тарамасақ, өзімізге жаман болатынын айтты. Бірнеше рет қоңырау шалып, қорқытты. Менен жігіттерді таратуды талап етті. Бірақ оларды мұнда ешкім күштеп ұстамайды. Барлығы өз еркімен»,  деді Жұмағалиев Orda.kz тілшімен сұхбатында

Мұнайшы анонимді қоңырауларға байланысты полицияға бармайтынын, жұмысшылардың талаптары орындалғанға дейін ереуілді жалғастыруға ниетті екенін атап өтті.

«Бізде тек бес талап бар. Біз алтыншы разрядты қосқымыз келеді, сонымен қатар өндірісте денсаулығын жоғалтқан зейнеткерлердің орнына олардың балаларын  жұмысқа алғымыз келеді. Егер мұнайшылар отбасын асырай алмаса, балаларына рұқсат етіңіз. Жұмыстың ауырлығына байланысты жалақыны 30 % - ға арттыру қажет. Себебі бізде бір адам екі-үш адамның орнына жұмыс істейді, өзі от жағады, жүргізуші де және т.б. Олардың жалақысын көтеру керек немесе басқа адамды жұмысқа алу керек. Басқа ұқсас кәсіпорындарда, мысалы, «Қаражанбасмұнайда» төрт адам біздегі  бір адам атқаратын жұмысты орындайды», дейді Мұратбай Жұмағалиев.

Сонымен қатар, әлеуметтік желілерде «Өзенмұнайгаз» АҚ Басқарма төрағасы Жанболат Саймағанбетов жұмысшылармен әңгімесінде балағат сөздерді қолданатын бейнежазба пайда болды. Мұратбай Жұмағалиев түсіндіргендей, оқиға кәсіподақ өкілдерінің компания басшылығымен кездесуінде болған.

«Қазмұнайгазда» осы жағдай туралы түсініктеме берілді.

«Болашақта мұндай жағдайлардың алдын алу үшін ӨМГ Бас директорымен әңгіме жүргізілді. Орынсыз мәлімдемеге байланысты болған оқиғаға өкінеміз. Өз кезегінде, бұрғылау жұмыстары басқармасы қызметкерлерін сабырлы болуға және арандатушылық мәлімдемелер мен әрекетсіз сындарлы диалогқа  шақырамыз»,- ҚМГ-да хабарланды.

Ұлттық компания атап өткендей, Саймағанбетов «эмоциясын шығарғанға » дейін ереуілшілер инженерлік-технологиялық қызметкерлердің кабинеттеріне кіріп, олардан митингке қосылуды талап еткен.

Сонымен қатар, бүгінде «Өзенмұнайгаз» өндіру жоспарынан артта қалып отыр.

«Жоспарлы көрсеткіштерді орындамау компанияның қаржылық жағдайына әсер етеді. Осыған байланысты бұрғылау жұмыстары басқармасының қызметкерлерін жұмысқа шығуға шақырамыз»,деп компания қорытындылады.

Естеріңізге сала кетейік, Жаңаөзенде мұнайшылар митингі 12 қарашада басталған болатын. Наразылық білдірушілердің талаптарына 2013 жылы жойылған тәуелсіз жалақы жүйесін қайтару, жалақыны көтеру, жұмысшылардың балаларын жұмысқа орналастыру және қаладағы жұмыссыздық мәселесін шешу жатады.