«Біздің қарым-қатынасымыз тамаша»: Тоқаев Италия басшысымен кездесті

Әңгіме барысында саяси, экономикалық және мәдени-гуманитарлық салалардағы өзара іс-қимылды талқылады, деп хабарлайды Orda.kz Ақордаға сілтеме жасап.

«Екі мемлекет арасында әртүрлі салаларда өте тығыз ынтымақтастық орнаған. Біздің нарықта көптеген итальяндық компаниялар жұмыс істейді. Жылдам өсу жүріп жатыр. Мәдени-гуманитарлық байланыстар да қарқынды дамып келеді. Сондықтан еліміз арасында өте берік қарым-қатынас орнады деп есептеймін», - деді Мемлекет басшысы.

Бүгінгі таңда Италия Қазақстанның жетекші сауда серіктестері арасында үшінші орында және экономикамыздағы ірі инвесторлардың бестігіне кіреді. 2024 жылы өзара тауар айналымы шамамен 20 миллиард долларға жетті.

Серджио Маттарелла, өз кезегінде, президентке жылы қабылдағаны үшін алғыс айтып, елдер арасындағы әріптестікті одан әрі кеңейту әлеуетін атап өтті:

«Бізде барлық салаларда – саяси, экономикалық, сауда және мәдени салаларда өте жақсы қарым-қатынастар бар».

Естеріңізге сала кетейік, бұған дейін Қасым-Жомарт Тоқаев елорда әуежайында Серджо Маттарелланы өзі қарсы алған болатын. Соңғы рет мемлекет басшылары Римде 2024 жылдың қаңтарында кездесті.