«Біздің біржақты ұстанымымыз бар»: Әшімбаев Зеленскийге жауап берді

Сенат спикері Мәулен Әшімбаев Украина президенті Владимир Зеленскийге жауап берді.

Жақында Украина президенті Орталық Азия елдері журналистеріне берген сұхбатында Орталық Азия елдері басшыларының ұстанымы көбірек Ресейге бағытталғанын айтты. Әшімбаев бұл пікірмен келіспейді.

Оның айтуынша, Қазақстанның ұстанымы айқын: қантөгісті тоқтату керек.

«Қазақстанның Украинаға қатысты ұстанымы анық, тұжырымдалған және ел басшылығы тарапынан бірнеше рет айтылған. Сыртқы істер министрлігі бұл ұстанымды үнемі айтып отырады, мен де осы тақырыпта айттым. Біз қазір Украинадағы қантөгісті тоқтату өте маңызды деп санаймыз. Онда жүріп жатқан соғысты тоқтату қажет. Біздің ұстанымымыздағы екіұштылық қайда? Біз  келіссөздер бастаудың өте маңыздылығы туралы үнемі айтамыз. Осы мәселені талқылауды және шешім іздеуді бастаңыз. Осы орайда Қазақстан өз мүмкіндіктерін ұсынды. Бұндай жағдай біздің елімізде болуы да мүмкін. Біздің ұстанымымыз әрқашан нақты»,-  деді Әшімбаев Сенат отырысында.

Ол сондай-ақ, президент Тоқаевтың 2022 жылы Санкт-Петербургте өткен форумда сөйлеген сөзін еске алды. Ол кезде Тоқаев Қазақстан ЛХР мен ДХР деп санайтын квазимемлекеттік құрылымдарды мойындамайтынын мәлімдеген болатын.