«Бізді соғысқа шатуға жол бермейміз»: Венгрия екі украин тыңшысын қуып жіберді

Украина мен Мажарстан арасында шпиондық жанжал өршіп тұр. Украиндық қауіпсіздік күштері Венгрияның барлауында жұмыс істеген екі бұрынғы әскериді ұстағаны туралы хабарлағаннан кейін бірнеше сағат өткен соң мажар билігі кері әрекет көрсетті, деп хабарлайды Orda.kz.

Telex-тің ақпараты бойынша, Мажарстанның сыртқы істер министрі Петер Сийярто венгр билігі Будапештегі елшілік қызметкерлері барлау жұмыстарын жүргізген деген екі украиндық тыңшыны елден шығарғаны туралы мәлімдеме жасады.

 «Біз, мажарлар, бейбітшілікті қалаймыз, соғысқа «жоқ» дейміз, Венгрияны соғысқа тартуға жол бермейміз... Сонымен қатар, венгр халқы Украинаның ЕО-ның бір бөлігі болуына қатысты шешім қабылдауы тиіс», - деді Сийярто. 

СІМ басшысы Венгрия Украинаға ешқашан қару жеткізбегенін және оны алдағы уақытта да жасамайтынын, сондай-ақ Киевті «лас әрекеттер» үшін айыптайтынын айтты. Сийяртоның айтуынша, Будапештің Украинаға әскери қолдау жіберуден бас тартуы Киев тарапынан айыптауға себеп болған.

Бұған дейін Украинаның Қауіпсіздік қызметі Венгрияның барлауында жұмыс істеген деп болжанған екі адамды ұстағаны белгілі болған болатын. Олар Закарпатиядағы әскери инфрақұрылым туралы мәліметтер жинаған деп айталды.