Бізде 21 жылдан кейін үш президент болады – Тоқаев

Қасым-Жомарт Тоқаев сұрақ-жауап кезінде  жеті жылдық президенттік мерзімі туралы пікірін білдірді.

2022 жылғы референдум қорытындысы бойынша Қазақстанда президенттік мерзімі жеті жылға дейін ұзартылды, бірақ енді ешкім де қатарынан екі рет мемлекет басшысы болып сайланбайды.

— Менің ойымша, жеті жыл жеткілікті, өйткені бұл кез келген адамның өмірінде ұзақ уақыт. Ең бастысы, елімізде билікке монополия болмайды. Оған тыйым салынады. Бұл өте маңызды сұрақ. Жеті жыл жеткілікті. 21 жылдан кейін елде үш президент болады, бұл дұрыс шешім, - деді Тоқаев.

Еске салайық, бүгін 20 қарашада Қазақстанда кезектен тыс президент сайлауы өтіп жатыр.