Біз табиғатты қорғауымыз керек - Тоқаев

Бүгін Тоқаев ботаникалық баққа ағаш отырғызып, қазақстандықтарды табиғатты қорғауға шақырды.

Нұр-Сұлтанда Қасым-Жомарт Тоқаев «Бірге – таза Қазақстан» жалпыұлттық экологиялық акциясына қатысты. Ол Ботаникалық баққа ағаш отырғызып, сенбілікке қатысушылармен әңгімелесті, деп хабарлайды Ақорда.

— Ағаш – қасиетті ұғым. Ағаштарды, табиғатты қорғауымыз керек. Барлығына алғысымды білдіремін. Сіздер еліміздің болашағысыздар. Біз бірге Жаңа Қазақстанды, Екінші Республиканы құруымыз керек. Қазақстанның жарқын болашағына күмәнім жоқ. Еліміздің болашағы жастардың қолында. Баршаңызға үміт артамын, - деді Тоқаев.

Ол қазақстандықтар үшін табиғатты аялау маңызды екенін атап өтті. Оның пікірінше, Қазақстан болашақта жасыл мемлекетке айналуы керек. Акцияға қатысушылар 15 түп жөке және 35 емен отырғызды.