Біз ДХР мен ЛХР-ді мойындамаймыз – Тоқаев

XXV Петербург халықаралық экономикалық форумының пленарлық отырысы өтіп жатыр.

Іс-шараны Ресей Президенті Владимир Путин ашты. Сессияда Қазақстан президенті Қасым-Жомарт Тоқаев Қазақстанның ДХР мен ЛХР-ді мемлекет ретінде мойындамайтынын айтты.

– Түрлі пікір бар. Қазіргі халықаралық құқық – БҰҰ жарғысы. Бірақ БҰҰ-ның екі қағидасы қарама-қайшы. Бұл мемлекеттің тұтастығы және ұлттың өзін-өзі анықтау құқығы. Көп ұзамай бұл қағидалар бір-біріне қайшы келеді. Егер ұлттың өзін-өзі анықтау құқығы іске асырылса, онда жер бетінде 500-ден астам мемлекет пайда болып, хаос орын алады. Осы себепті біз Тайваньды да, Косовоны да, Оңтүстік Осетияны да, Абхазияны да мойындамаймыз. Шамасы, бұл қағидат біздің ойымызша, Луганск пен Донецк сияқты квазимемлекеттік бірлестіктерге қатысты қолданылатын болады, – деді мемлекет басшысы.