«Біз дереу көмекке аттандық»: полицей қызметкері Ақтаудағы Embraer-190 апаты туралы

Дәрігерлер, төтенше жағдай мамандары, полицейлер қызметтік міндеттерін орындау аясында күн сайын алдыңғы шепте болып, төтенше жағдай орын алғанда өмірлерін қатерге тігеді, деп хабарлайды Orda.kz тілшісі.

Дүниежүзілік қоғамдастық 25 желтоқсанда Ақтау маңында апатқа ұшыраған Әзірбайжан ұшағы тергеуін жіті бақылап отыр. Әзірбайжан мен басқа да елдердің тұрғындары зардап шеккендерді құтқарып, көмектескен қазақстандықтардың бірлігі туралы жарыса жазуда.

Ұшақ құлаған кезде жергілікті тұрғындар оқиға орнына төтенше жағдайлар қызметінің келуін күткен жоқ. Жақын жерде болғандардың бәрі апатқа ұшыраған ұшақтан адамдарды шығаруға мүмкіндігінше көмектесті.

Оқиға орнына жақын жерде болғандардың бірі – Түпқараған аудандық ішкі істер бөлімінің учаскелік инспекторы, полиция капитаны Сәкен Ақманов. Ол сол қайғылы күні болған оқиғамен бөлісті.

Әріптестерімен бірге ол белгіленген аумақта қызмет етіп жүрген. Ұшақтың жерге құлағанын білгенде тәртіп сақшылары оқиға орнына жедел жеткен.

Ұшақ ішіндегі адамдардың айғайлаған дауысын естіген полицейлер бұрын келген «Маңғыстау өңірлік электр желілері» кәсіпорны қызметкерлерімен бірге жолаушыларды ұшақтан шығаруға кірісіп кетті, кейін олар төтенше жағдай қызметкерлеріне тапсырылды.

Полиция қызметкерлері мен жұмысшылар нағыз ерлік көрсетті, өйткені олар бұрын-соңды мұндай ауқымды қайғылы оқиғаларға тап болған емес.

Түпқараған аудандық полиция бөлімінің учаскелік полиция инспекторы Сәкен Ақманов ішкі істер органдарында 10 жылдан бері қызмет етіп келе жатқанын, мұндай оқиғамен бірінші рет кездесіп отырғанын атап өтті.

Абай Өргешбаев та Маңғыстау өңірлік электр желілері компаниясында электрик болып жұмыс істейді. Сол күні ол әріптестерімен бірге ұшақ құлаған маңда жұмыс істеген.

Ұшақтың жерге құлағанын көрген олар дереу оқиға орнына барып, жолаушыларды құтқаруға көмектескен.

Құтқару операциясына қатысқандардың барлығы – полицейлер мен Маңғыстау өңірлік электр желілері компаниясында қызметкерлері.