«Біз асықпаймыз»: Путин Украинадағы соғыс қимылдары туралы айтты

Ресей президенті Владимир Путин Шанхай ұйымының (ШЫҰ) Самарқандтағы  саммитінен  кейінгі баспасөз мәслихатында Украинадағы шайқастардың мақсаты - «Донбастың бүкіл аумағын азат ету» және «арнайы әскери операцияның жоспары түзетілмейді» деді.

Путиннің айтуынша, Ресейдің Украинадағы әрекеті «қалайда бір  ескерту емес, арнайы әскери операция», оның барысында ресейлік тарап азаматтық инфрақұрылымға қарсы «терактілер жасау әрекеттеріне» тап болып отыр, бірақ «мұның бәрі уақытша» бұның барлығына  «салқынқанды»  жауап беріледі.

— Осы процесте жедел шешімдер қабылдануда, шабуыл операциясы тоқтамайды, бірақ біз асықпаймыз. Жақында Ресей Федерациясының Қарулы Күштері бірнеше сезімтал соққы берді, біз мұны ескерту деп санаймыз, - деп түсіндірді Путин оқиғалар барысы туралы.

Ол сондай-ақ Украинадағы Ресейдің «барлық армиямен емес, тек келісімшартпен істейтін бөлігімен соғысатынын» айтты.