Биылғы түлектер мектеп бітіру күнін қалай өткізеді

Еліміздің  мектептерінде соңғы қоңырау 25 мамырда тек 11-сынып оқушылары үшін соғылады. Бірақ бұл күні сәнді көйлектермен жарысып, мейрамханаларда тойлап, кортеждермен серуендеуге болмайды. Білім министрлігі оны челлендж немесе пікірталас форматында өткізуді ұсынып отыр, деп хабарлайды Orda.kz.

Орталық коммуникациялар қызметінде өткен брифингте Білім вице-министрі Светлана Жұмаділдаева биыл 11-сыныптың 186 мың оқушысы мектеппен қоштасатынын айтты.

Олар үшін департаменттің  ұйытқы болуымен  «Мектебім, саған мың алғыс!» тақырыбымен 25 мамырда соңғы қоңырау соғылады.

«Біз форматты өзіміз ойлап тауып, бұл квест немесе хакатон, пікірталас алаңы немесе ата-аналар мен мұғалімдердің кеші болады деп ұсындық. Мәселе балаларды мерекеден ажыратпау болды. Мектептерге жаңа формат ұсына отырып, біз жылда қайталанатын зиянды дәстүрден  –  көшелерде автокөлік кортеждерінің жүруіне жол бермейміз. Ата-аналардың ақшасының көбі соған жұмсалады. Барлық ата-аналар мұндай қаржылық шығындарды көтеруге дайын емес, өйткені оған мейрамханаларда аталып өтетін бітіру кештері ғана емес, сонымен қатар 25 мамырға жалға берілетін орындар да кіреді», – деп мәлімдеді вице-министр. 

Сондай-ақ ол мерекенің қымбаттығына байланысты көптеген ата-аналардың тиісті министрлікке шағымданғанын жеткізді.

«Балалар, әсіресе қыздар ата-аналарына бал көйлегін алдырып, әдемі шаш үлгісі мен беттерін әрлеу шығындары бар. Нәтижесінде отбасына қаржылық салмақ түседі.  Сондықтан біз білім беру саласындағы саясатты айқындайтын мемлекеттік орган ретінде оқушыларға жоғары білімді ұлт пен білім мәдениетіне сай келетін жаңа дәстүр қалыптастыруды ұсындық», - деп  түйіндеді Светлана Жұмаділдаева.