Биылғы магистратура гранттарының қорытындысы шықты

Елімізде 2024 жылға арналған магистратураға мемлекеттік білім беру гранттарының қорытындысы жарияланды, деп хабарлайды ҚР Ғылым және жоғары білім министрлігінің баспасөз қызметі.

«Магистратура бойынша білім беру гранттары иегерлерінің тізімі жарияланды»,  делінген сенбі күні хабарламада.

Магистратураға білім беру гранттары кешенді тестілеу (КТ) нәтижелері бойынша конкурстық негізде тағайындалды.

Магистратураға білім беру гранттарын тағайындау конкурсына ғылыми-педагогикалық бағытқа түсу үшін 75, бейіндік бағыт бойынша 30-дан жоғары балл жинаған талапкерлер қатысқаны хабарланды. Мәліметтерге сәйкес, байқауға 15 196 адам қатысқан.

Мемлекеттік білім гранты иегерлерінің тізімдерімен ҒЖБМ Telegram-арнасында танысуға болады.