Биылғы айыппұл өзгерістері қалай

2024 жылы АЕК 3692 теңгеге дейін өсті. Осыған байланысты қазақстандықтар үшін айыппұл қалай өзгерді, осы туралы Orda.kz  хабарлайды.

Жол қозғалысы ережесін бұзғаны үшін

2024 жылы көліктің жылдамдығын 10-20 шақырымға асырғаны үшін айыппұл 5 АЕК, яғни 18 460 теңге болады. Жылдамдықты сағатына 20-40 шақырымнан асырғандар 10 АЕК немесе 36 920 теңге көлемінде айыппұл төлейді. Жылдамдықты сағатына 40 шақырымнан асырғаны үшін 20 АЕК, яғни 73 840 айыппұл салынады. Әкімшілік жаза қолданылғаннан кейін бір жыл ішінде жылдамдықты қайталап асырғандарға 30 АЕК, яғни 110 760 теңге айыппұл салынады.

Жүргізуші куәлігі жоқ жүргізушінің көлікті басқаруы 20 АЕК, яғни 73 840 теңге көлемінде айыппұл салуға әкеп соғады. Көлік құралын басқару құқығынан айырылғандарға көлік жүргізгені үшін 50 АЕК, яғни 184 600 теңге айыппұл салынады немесе 20 тәулікке қамауға алынады.

Жол белгілерінде немесе жол сызықтарында белгіленген талаптарды сақтамағаны үшін салынатын айыппұл енді 11 076 теңге – 3 АЕК болды.

Тыйым салатын бағдаршам сигналы арқылы немесе жол реттеушінің тыйым салу қимылына қарамай  жүру 10 АЕК немесе 36 920 теңге көлемінде айыппұл салуға әкеп соғады. Қайталанса, айыппұл 15 АЕК-ке дейін, яғни 55 380 теңгеге дейін өседі.

Жол қозғалысы ережелерін бұза отырып, жаяу жүргіншілер жолы, жол жиегі немесе тротуармен жүру де 15 АЕК көлемінде айыппұл салуды көздейді, яғни 55 380 теңге.

Заңсыз автотұраққа салынатын айыппұлдар да өсті

ӘҚБтК-нің басқа баптарындағы жауапкершілік белгілеген жағдайларды қоспағанда, аялдама немесе тұрақ ережелерін бұзу 5 АЕК, яғни 18 460 теңге көлемінде айыппұл салуды көздейді. Жаяу жүргіншілер жолы, гүлзарлар, балалар және спорт алаңдары, сондай-ақ басқа көліктердің жүруіне кедергі болған жол бойына көліктерді қою айыппұлды 10 АЕК – 36 920 теңгеге дейін арттырады. Ақылы автотұрақ ақысын төлеуден жалтару 3 АЕК, яғни 11 076 теңге көлемінде айыппұл салынады.

Қызметкердің көлікті тоқтату туралы талабын орындамауға 40 АЕК немесе 147 680 теңге көлемінде айыппұл салынады. Айта кетейік, айыппұлдың бұл түрі 11 қыркүйекте Әкімшілік құқық бұзушылық туралы кодекске енгізілген өзгерістермен ұлғайтылды. Бұрын ол 30 АЕК, яғни 110 760 теңге болатын. Бір жыл ішінде қайталап бұзғаны үшін жаза 5 тәулікке дейін қамауға алу құқығынан айыру болады. Қазірдің өзінде құқықтарынан айырылған азаматтарға бұл заң бұзушылық үшін 60 АЕК көлемінде айыппұл салынады, бұл 2024 жылы қазірдің өзінде 221 520 мың теңге.

Жолаушылар мен жүктерді тасымалдау ережелерін бұзғаны, қауіпсіздік белдігін тақпағаны және көлік жүргізу кезінде телефон пайдаланғаны үшін жүргізушілерге 5 АЕК, яғни 18 460 теңге айыппұл салынады.

Жаяу жүргіншілер ережесін бұзу

Жаяу жүргіншілер мен жол қозғалысының басқа да қатысушыларының жол қозғалысы ережелерін сақтамауы 7384 теңге – 2 АЕК мөлшерінде айыппұлға әкеп соғады. Бір жыл ішінде қайталап бұзу айыппұлды бірден 10 АЕК, яғни 36 920 теңгеге дейін арттырады.

Басқа бұзушылықтар

Қызметтік міндеттерін атқару кезінде полиция қызметкерлері мен тергеушілердің заңды талаптарына бағынбаған немесе жұмысына кедергі келтіргендерге 30 АЕК – 110 700 теңге айыппұл салынады немесе 15 тәулікке дейін қамауға алынады.

Бір жыл ішінде қайталап бағынбағаны үшін жаза ескерту немесе жеңілірек айыппұл емес, 15-20 тәулік қамауға алу болады. Ал қамауға алынбайтындарға 50 АЕК – 184 600 теңге айыппұл салынады.

Қоғамдық жерде түкіргені үшін, сондай-ақ белгісіз орындарға қоқыс тастағаны үшін тәртіп бұзушы 5 АЕК немесе бірінші рет 18 460 теңге, ал қайталап бұзғаны үшін 10 АЕК немесе 36 920 теңге көлемінде айыппұл салынады.