Биыл 55 мыңнан астам қазақстандық жұмыссыз қалды

Биыл алғаш рет 55,7 мың азамат жұмысынан айрылып, әлеуметтік жәрдемақы алуға өтініш білдірген.

1 тамызға дейін қордан 66,1 мың адам арнайы төлем алды, деп хабарлайды Еңбек және халықты әлеуметтік қорғау министрлігінің сайты.

Жұмыс орнын ауыстырған қызметкерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты жоғалтқан табысының 40 пайызын бір айдан алты айға дейінгі мерзімде алады.

Еңбек министрлігінде атап өткендей, Мемлекеттік әлеуметтік сақтандыру қоры есебінен жұмысынан айрылған жағдайда төленетін әлеуметтік төлем жұмыстан босату себептеріне қарамастан жүзеге асырылады және ол жұмыс іздеп жүрген кезеңдегі қолдауға арналған.