«Бітпейді ғой мына сот!» — 21 мың адам Бишімбаевтың сотын қарап отыр

Шағымды Астаналық соттың қылмыстық істер жөніндегі сот алқасы қарап жатыр.

Сот отырысына Айтбек Амангелді, Бишімбаевтың анасы мен оның әпкесі, адвокаттар Вранчев, Омарова, Құсайынова, Рамазанова, Ғазымжанов келді.

Еске сала кетейік, 28 мамырда жазаны жеңілдету үшін Бишімбаевтың қорғаушылары аппеляциялық шағым түсірген болатын. Бишімбаев әйелі Салтанат Нүкенованы өлтіргені үшін 24 жылға сотталды. Экс-министрдің туысы Бақытжан Байжанов 4 жылға бас бостандығынан айырылды. Аппеляцияда Байжановтың қылмыс істегендердің қатарында болмауына, яғни тікелей қатысты болмауына байланысты жазаны өзгерту сұралды. Ал Бишімбаев әрекетін қайта саралауды, жазасын жеңілдетуді сұрап отыр.

Қазір сот отырысы тікелей эфирде өтіп жатыр. Жұрт наразылығын айтып пікір жазып жатып. 

Желі қолданушылары «Бітпейді ғой мына сот!», «Өмір бойы сотталсын!», «Ол сотты кінәлау үшін келді», «Істі қайта қарап өмір бойына абақтыға жабу керек» деген пікірлерді жазып жатыр.