Бітім емес — тұтқын алмасу: Ресей мен Украина арасындағы Стамбұлдағы келіссөздер немен аяқталды

Кездесу Долмабахче резиденциясында өтті және шамамен екі сағатқа созылды. Жиынға Түркияның сыртқы істер министрі Хакан Фидан да қатысты, деп хабарлайды Orda.kz.       

Қарсылас тараптар атысты тоқтату жөнінде келісімге келе алмағанымен, гуманитарлық мәселе бойынша — ауқымды тұтқын алмасу туралы  келісімге қол жеткізді.

▪️ «1000 адамға — 1000 адам» формуласы бойынша тұтқын алмасу. Бұл туралы украин делегациясының басшысы Рүстем Умеров пен Ресей өкілі Владимир Мединский мәлімдеді. Олардың айтуынша, алмасу алдағы күндері жүзеге асуы мүмкін.

▪️ Тараптар болашақ бітімге қатысты өз көзқарастарын ұсынуға және кейінірек талқылауға қайта оралуға уағдаласты.

Украина тарапы Зеленский мен Путин арасында тікелей келіссөз өткізуді сұрады. Мәскеу бұл сұранысты «ескердік» деп хабарлады, — деді Мединский.

▪️ Ресей жағы кездесу нәтижесіне көңілі толатынын және диалогты жалғастыруға дайын екенін мәлімдеді.

Бұған дейін Украина президенті Зеленский екі тараптың соғысты тоқтату жолында қадам жасау мүмкіндігі болғанын айтқан еді, бірақ «Путин сөзінен тайып, Түркияға келмеді», деп мәлімдеді.