Бішкекте шаурмадан жаппай уланды

Бішкектегі «Беш лаваш» және «Мидос» фаст-фуд орындарында тамақтанған 20-дан астам адам дәрігерлерге жүгінді.

«Беш лаваш» және «Мидос» фастфуд сауда нүктелерінде жаппай улану орын алды, деп хабарлайды Қырғызстан астанасының санитарлық қызметі.

«Жалпы 21 адам зардап шекті, 15 адам Республикалық клиникалық жұқпалы аурулар ауруханасына жатқызылды, оның 2-і бала. Қалған 6 адам амбулаторлық емделуде» делінген ведомство хабарламасында.

Тергеу барысында санитарлық және микробиологиялық зерттеулер үшін дайын тағам үлгілері, ингредиенттері мен жағындылар алынды.

Анықталған заңбұзушылықтар үшін фастфуд сататын орындарға 72 мың сом (шамамен 387 мың теңге – ред. ескерт.) айыппұл салынып, заң бұзушылық жойылғанға дейін жабылды.