Бішкекте Ауғанстаннан келген босқындардың митингісі өтті

Бішкекте БҰҰ ғимаратының жанында Ауғанстаннан келген босқындардың митингісі өтті. Шеруге шыққандар республикада ресми мәртебе беруді немесе басқа елдерге жіберуді талап етті.

Бұл туралы Orda.kz 24kg -ге сілтеме жасап хабарлайды.

Наразылық білдірушілердің айтуынша, Ауғанстан азаматтары Қырғызстанда 18–20 жылдан бері тұрады, бірақ оларға құжат берілмеген.

– Біз мұнда босқын ретінде тұрамыз. Бұл құжатпен жұмысқа орналасу қиын. Бізге не Қырғызстан азаматтығын берсін немесе Канада, Америка сияқты елдерге жіберсін. Телефон арқылы да сұрақтарымызға жауап бермеді, - дейді Сарвар Мұхаммед Наби.

Еске салайық, бұған дейін қазақстандық оралмандар Қазақстан билігінен туыстарын Ауғанстаннан шығаруға көмектесуді сұраған.