Бішкек маңында терроршы мен арнайы жасақ арасында атыс болды

Бішкек маңында қарулы лаңкес жойылды. Екі сарбаздың жараланғаны хабарланды.

17 мамыр күні таңертең Қырғызстанның Ішкі істер министрлігі мен Ұлттық қауіпсіздік мемлекеттік комитетінің арнайы жасақтары Бішкек іргесіндегі Дмитриевка ауылында қарулы лаңкесті ұстау бойынша арнайы операция жүргізді, деп хабарлайды Sputnik Қырғызстан.

«Ұстау кезінде ол қарулы қарсылық көрсетті. Арнайы операция барысында лаңкес Ішкі істер министрлігі мен Ұлттық қауіпсіздік комитеті арнайы жасақтарының күшімен жойылды. Оқиға орнында ведомтсва басшылары жүр. Қазіргі уақытта ІІМ-нің жедел-тергеу тобы жұмыс істеп жатыр», - деп хабарлады Қырғызстан ІІМ.

Басылым екі қауіпсіздік қызметкерінің жараланғанын хабарлайды.

Сондай-ақ, Бішкек іргесіндегі Дмитриевка ауылы екі жақтан қоршалғаны атап өтілді. Қант қаласына (батысқа қарай) және Красная Речка селосына (шығысқа қарай) шығатын жолдар жабылған.