Бішкек шенеуніктері автобуспен жүретін болады

Бішкек әкімі Айбек Жүнушалиев қарамағындағыларға сейсенбі және бейсенбі күндері көлікті пайдалануға тыйым салды, деп хабарлайды Orda.kz 24.kg ақпарат агенттігіне сілтеме жасап.

Бұл бұйрық қалалық әкімдік қызметкерлері автобус жүргізушілерінің санитарлық нормаларды, қызмет көрсету сапасын және жол ақысын төлеу ережелерін сақтауын қадағалау мақсатында қабылданды. Қызметтік автокөліктерді тек жұмыс мақсатында пайдалануға рұқсат етіледі. Одан тыс кездесулер үшін бөлек тасымалдау ұйымдастырылады.

Шенеуніктер әр айдың 25-іне дейін атқарылған жұмыс туралы есеп беруі керек.