Бишімбаевтың жазасын жеңілдетем деген әйелге қатысты тергеу аяқталды

Әйелін өлдірді деп сотталған ұлттық экономика экс-министрі Қуандық Бишімбаевтың үкімін жеңілдетуді сылтау етіп 100 млн теңгені иемдену бойынша күдікке іліккен әйелге қатысты тергеу аяқталды.

Бұл туралы сыбайлас жемқорлыққа қарсы қызмет агенттігі хабарлады.

Күдіктінің іс-әрекеті аса ірі мөлшерде пара беруге итермелеу бойынша қаралды. Оған қатысты «Қамауда ұстау» бұлтартпау шарасы тағайындалып, тергеу аяқталды. Қазіргі уақытта қылмыстық іс материалдарымен танысу жүргізілуде.

Еске сала кетейік, Бишімбаевтың туыстарының өтініші бойынша Астананың «Г» атты тұрғынына қатысты сотқа дейінгі тергеп-тексеру басталған еді.