Бишімбаевтың жасырын жасалған қылмысына ІІМ жауап берді

ҚР ІІМ Салтанат Нүкенованың анасы айтқан Бишімбаевтың жасырын қалған қылмысына байланысты пікір білдірді, деп хабарлайды Orda.kz порталы TengriNews-ке сілтей отырып.

Қуандық Бишімбаевтың сотында Салтанат Нүкенованың анасы сотталушының осы күнге дейін де адам қағып, дәлірек айтқанда бала қағып істі болғанын тілге тиек еткен болатын.

«Өткенің туралы айтқың келмей ме? Баланы қалай қағып өлтіргенің туралы», - деді ол сотта. 

Ал ведомствоның ресми жауабында Қуандық Бишімбаевты қылмыстық жауапкершілікке тарту туралы ақпарат жоқ екені айтылған.

«Бұл адамға қатысты қылмыстық қудалау және оны қылмыстық жауапкершілікке тарту туралы мәлімет жоқ екенін хабарлаймыз» делінген ІІМ жауабында.