Бишімбаевтың қорғаушылары Нүкенованың құрбыларын жауапқа тартуды сұрады

Бишімбаевтың қорғаушылары Салтанат Нүкенованың құрбыларын жауапқа тартуды талап етіп отыр, деп хабарлайды Orda.kz порталы.

Қорғаушылар Нүкенованы қайтыс болғаннан кейін де  психологиялық жағдайы мен наркологиялық сынақтан өткізуін талап етті.

Сондай-ақ әкесіне деген қарым-қатынасы туралы фактілерді қарауды және сол түні соққыға жығылған Нүкеноваға куәгер болған құрбыларын да жауапқа тартылуын сұрап отыр.

Бишімбаевтың адвокаты Нүкенованың құрбылары туралы не дейді?

«Біз Салтанат Нүкенованың құрбыларының қылмыстық жауапкершілікке тартылуын сұрадық. Олар Нукенованың денесінде дене жарақаттарының іздерін көре тұра, қылмыс туралы хабарлаған жоқ», - деді айыпталушының адвокаты Назкен Құсайынова.

Еске сала кетейік, бұрынғы ұлттық экономика министрі Қуандық Бишімбаев әйелін ұрып өлтірді деген күдікке ілініп, 9 қараша күні ұсталған еді. Қайғылы оқиға «Bau» мейрамханасында болды. 8 қаңтар күні Салтанат Нүкенованың өліміне қатысты тергеу жұмыстары аяқталғаны хабарланды. 11 қаңтарда астана сотында оның қамауға алынуы 9 наурызға дейін ұзартылғаны белгілі болды.