Бишімбаевтың ісін жүргізген прокурордың қызметі көтерілді

Саяхат Нұрбеков кезіндегі Бишімбаев ісіне қатысты атышулы сот процесі арқасында кеңінен танымал болды, деп хабарлайды Orda.kz.

Сонымен Саяхат Нұрбеков Байзақ ауданы прокурорының орынбасары болып тағайындалды. Нұрбеков бұрынғы Ұлттық экономика министрі Қуандық Бишімбаевтың атышулы ісін тергеудегі шешуші рөлі арқылы жұртшылыққа кеңінен танылды.

Мәселен, ол «BAU» мейрамханасы орналасқан Гастрономиялық орталықтың күзет бар ма, күзетшілердің қайсысы Байжановқа телефон соққанын, Бишімбаев неліктен туысынан видеоны камералардан өшіруді сұрағанын анықтады.

Саяхат Нұрбеков 2013–2018 жылдары Қордай аудандық сотының, Жамбыл аудандық сотының бас маманы, Жамбыл облысының қылмыстық істер жөніндегі мамандандырылған ауданаралық сотының бас маманы, Жамбыл облыстық сотының бас маманы қызметтерін атқарған.

2018-2023 жылдары - Мерке ауданы прокуратурасының, Тараз қаласының прокуратурасының, Жамбыл облысының прокуратурасының прокуроры болды.

2023–2025 жылдары Нұрбеков Астана қаласы прокуратурасының аға прокуроры және қала прокурорының аға көмекшісі болды. Оқиғаның шулы болғаны соншалық қазір Нұрбековтың Instagram аккаунтында 17 мың жазылушы бар.

Салтанат Нүкенова 2023 жылы 8 қарашадан 9 қарашаға қараған түні Астанадағы Гастрономиялық орталықтың екінші қабатындағы BAU мейрамханасында қаза болды. Кісі өлтірді деген күдікпен Ұлттық экономиканың экс-министрі Қуандық Бишімбаев сол күні ұсталды.