Бишімбаевтың ісі Ішкі істер министрлігі басшылығының бақылауында

Қазақстан Республикасының бұрынғы Ұлттық экономика министрі Қуандық Бишімбаевтың әйелін өлтіру фактісі бойынша қылмыстық істің тергелу барысы Ішкі істер министрлігі басшылығының бақылауында. Бұл туралы Астана ПД баспасөз қызметіне сілтеме жасап Orda.kz хабарлайды.

Елордалық полиция департаментінің мәліметінше, мейрамханада әйелді өлтіру дерегі ҚР Қылмыстық кодексінің 99-бабы 1-бөлімі «Адам өлтіру» бойынша тергеу жүріп жатыр.

«Күдікті Астана қалалық полиция департаментінің уақытша ұстау изоляторына қамалды. Істің объективті мән-жайларын анықтауға бағытталған жедел-іздестіру шаралары кешені жүргізілуде. Тергеу барысы Ішкі істер министрлігі басшылығының бақылауында» делінген хабарламада.

Хабарлама соңында министрліктің баспасөз қызметі жалған ақпарат таратқандарға қылмыстық жауапкершілік қарастырылғанын еске салды.

Еске сала кетейік, барлығы BAU мейрамханасында болған. Полицияның хабарлауынша, Астана қалалық полиция департаментіне келушілер арасында жанжал туындап, салдарынан әйел алған жарақаттан қайтыс болғаны туралы хабарлама түскен. Бұл Бишімбаевтың екінші әйелі Салтанат Нүкенова болып шықты. Ол 31 жаста еді.

Нүкеновамен қоштасу рәсімі  Павлодар қаласындағы Мәшһүр Жүсіп мешітінде өтті. Оны соңғы сапарға шығарып салуға оның туыстары мен достары келді.