Бишімбаевтың ісі бойынша алдын ала тыңдау күні белгіленді

Сот өз әйелін өлтірді деп айыпталған экс-министр Қуандық Бишімбаевтың ісі бойынша алдын ала тыңдау күнін белгіледі.

Іс қылмыстық істер жөніндегі мамандандырылған ауданаралық соттың қарауына қабылданды. Алдын ала тыңдау 2024 жылғы 11 наурызға жоспарланып отыр. Сот отырысын судья Айжан Құлбаева жүргізеді. 

Бұрынғы министрмен бірге оның туыс інісі, "Гастро орталығының" директоры Бақытжан Байжанов та айыпталып жатыр. Тергеушілердің айтуынша, ол Бишімбаевқа қылмысын жасыруға көмектескен.

Еске салайық, Салтанат Нүкенова 2023 жылғы 9 қарашада Астанадағы BAU мейрамханасында өлі күйінде табылды. Жуырда марқұмның ағасы Бишімбаевтың адвокаттарының оны өлтірмегені туралы мәлімдемесіне жауап ретінде аяусыз соққыға жығылғаны көрінетін фотоны жариялады.