Бишімбаевтың інісі сот отырысында мәлімдеме жасады

Қуандық Бишімбаевтың інісі Бақытжан Байжанов сот отырысында мәлімдеме жасады, деп хабарлайды Orda.kz порталы.

Сот отырысында Бақытжан Байжанов қылмыс жасады ма, жоқ па оны өзі де білмейтінін айтты.

Айта кетейік, ағасына көмектескен Бақытжан Байжановқа Қылмыстық кодекстің екі бабы бойынша айтып тағылған:

• 432-бабы (аса ауыр қылмысты жасырып қалу);
• 434-бабы (аса ауыр қылмысты хабарламау)

«Мен видеоны өшіруді сұрағанымды, сондай-ақ Салтанаттың телефонын үйіне алып кетуді сұрағанымды мойындаймын, қылмыс жасадым ба, білмеймін. Мен ол кезде Салтанаттың өлім алдында жатқанын немесе өлгенін білмедім, түсінбедім», - деді ол сотта. 

Еске сала кетейік, бүгін алқабилер экс-министрге тағылған айыптарды, сондай-ақ, сотталушыларды тыңдап шықты. Келесі отырыс 29 наурызға белгіленіп отыр. Сол кезде жәбірленушілер мен куәгерлерден жауап алынады.