Бишімбаевтың адвокаттары іске ресейлік мамандарды араластырмақ

Бишімбаевтың адвокаттары Ресейден мамандар тартпақшы, деп хабарлайды Orda.kz порталы.

Қуандық Бишімбаевтың қорғаушылары соттан Н.И.Пирогов атындағы Ресей ұлттық зерттеу медициналық университетінің мамандарының қорытындысын қарауды сұрады.

«Мамандардың қорытындысы Бишімбаевтың кінәсіздігін растайтын және ұсынылған күдікті жоққа шығаратын дәлел болады», - деді адвокат Нәзкен Құсайынова.

Айжан Көлбаева (судья) бұл өтінішті мақұлдады.

«Ол Қуандық Бишімбаевтың қылмыстық іс материалдарына Ресей Федерациясының сараптамалық қорытындысын қосу бөлігінде адвокаттардың өтініші қанағаттандырылғанын хабарлады. Судья ҚР ҚК 362-бабына сәйкес «тараптар материалдарды қылмыстық істерге қосу туралы өтініш жасауға құқылы», - деп түсіндірді.