Бишімбаев жұмысқа кірмек

Бишімбаев түзеу мекемесіне ауысқан соң жұмысқа орналасады және психологтар онымен жұмыс істейді.

Бұл туралы ҚАЖК төрағасы Теңізжан Жәнібеков хабарлады.

 «Бишімбаев тергеу изоляторынан түзеу мекемесіне әлі кеткен жоқ. Күндердің бірінде мәселе шешімін табады. Ол жазасын қатаң режимдегі мекемеде өтейтін болады. Жұмыспен қамтуға қатысты: «Иә, сотталғандарды жұмысқа аламыз. Әсіресе, сот шешімі бойынша қарызы барларды. Өндіріс орындарында әртүрлі жұмыс орындары бар. «Еңбек» РМК-да ағаш және металл өңдеу бағыты бойынша жұмысқа орналаса алады. Мұның бәрі бос орынның қай жерде болатынына байланысты. Әрбір мекемеде осы мәселемен айналысатын жұмыспен қамту бөлімі бар»,- деді Теңізжан Жәнібеков.

Бишімбаев жаңа мекемеге ауысқан соң, сотталғандармен 15 күн карантинде болады. Карантиннен кейін, тиісті жасаққа орналастырылады. Тәрбие жұмыстары жүргізіліп, жұмысқа орналастыру мәселесі қарастырылады. Сонымен қоса олармен психологтар жұмыс істейді.