Бишімбаев сотта кінәсін мойындамайтынын айтты

Өз әйелін өлтірді деп айыпталған экс-министр Бишімбаев сотта өз кінәсін мойындамады.

Ол тағылған айыпты түсінгенін және кінәсін мойындамайтынын айтты және сотты алқабилердің қатысуымен өткізуді сұрады. 

"Маған тағылған айыптың мәні түсінікті, мен өз кінәмді мойындамаймын. Менің ісімді алқабилер соты қараса деймін. Істің ашық қаралып, бұқаралық ақпарат құралдарында жарияланғанын қалаймын", - деді Бишімбаев сотта. 

Ал Бишімбаевтың адвокаттары күдікті Нүкенованы асқан қатігездікпен өлтірмегенін айтып отыр. Олар оның ісі заңсыз қайта сараланған деп есептейді. Адвокаттар қылмыстық іс жүргізу кодексінің бұзылғанын айтты. 

Сол себепті қылмыстық іс материалдарын прокурорға қайтаруды талап етіп отыр.