Бишімбаев полицейлер келгенге дейін видео жазғызған

Бишімбаевтың бүгінгі сотында Байжановтың телефонынан айғақ табылды, деп хабарлайды Orda.kz порталы.

Айыптаушы тарап Байжановтың ұялы телефонын тексеру барысында Бишімбаевтың 9 қарашадағы бейнежазбасын тапты. Байжановтың айтуынша, ол экс-министр өз-өзіне қол жұмсап қоймас үшін уақыт созған.

«Мен өзімнің барлық есепшоттарым мен дүние-мүлкімді балаларыма өсиет етемін: балаларыма, Назымға, Мансұрға, Кәрім және Ранияға. Олар менің балаларымды өсіріп, жеткізсін», - деген Бишімбаев видеода. 

Бишімбаев алғашында қандай өсиет туралы айтып тұрғанын түсінбеді.

«Иә, бұл сәт есіме түсті, олар пышақты тартып алып, мені байлап қойған кезі еді. Бақытжанға айттым: «Егер маған бірдеңе болса, жазып ал, әке-шешем мен Назымға айт дедім», - деп қосты Бишімбаев.